رمضان المبارک کی آمد اور خوشخبری کے کلمات

رمضان المبارک کی آمد اور خوشخبری کے کلمات

                          

━════﷽════━                        

 سیدنا ابوھریرہ رضی اللہ عنہ سے روایت ہےکہ رسول اللہﷺ نے (رمضان کی آمد پر یہ کلمات) فرمائے

أَتَاكُمْ رَمَضَانُ شَهْرٌ مُبَارَكٌ، فَرَضَ اللَّهُ عَزَّ وَجَلَّ عَلَيْكُمْ صِيَامَهُ، تُفْتَحُ فِيهِ أَبْوَابُ السَّمَاءِ، وَتُغْلَقُ فِيهِ أَبْوَابُ الْجَحِيمِ، وَتُغَلُّ فِيهِ مَرَدَةُ الشَّيَاطِينِ، لِلَّهِ فِيهِ لَيْلَةٌ خَيْرٌ مِنْ أَلْفِ شَهْرٍ، مَنْ حُرِمَ خَيْرَهَا فَقَدْ حُرِمَ‘‘۔

*لوگو! تمہارے پاس ایک بابرکت مہینہ رمضان آچکا ہے، اللہ تعالیٰ نے تم پر اس مہینے کے روزے فرض قرار دیے ہیں۔ اس میں آسمان کے دروازے کھول دیے جاتے ہیں، جہنم کے دروازے بند کر دیے جاتے ہیں، اور سرکش شیاطین کو طوق پہنا دیے جاتے ہیں۔ اس میں ایک رات ہے جو ہزار مہینوں سے بہتر ہے۔ جو اس رات کی نیکی (عبادت) سے محروم رہا، وہ حقیقتاً محروم شخص ہے.*

[سنن النسائی: ۲۱۰٦، وصححہ الألبانی]

 سیدنا ابوھریرہ رضی اللہ عنہ  ہی سے روایت ہے کہ رسول اللہ ﷺ نے فرمایا

إِذَا كَانَ أَوَّلُ لَيْلَةٍ مِنْ شَهْرِ رَمَضَانَ‘ صُفِّدَتْ الشَّيَاطِينُ وَمَرَدَةُ الْجِنِّ، وَغُلِّقَتْ أَبْوَابُ النَّارِ، فَلَمْ يُفْتَحْ مِنْهَا بَابٌ، وَفُتِّحَتْ أَبْوَابُ الْجَنَّةِ، فَلَمْ يُغْلَقْ مِنْهَا بَابٌ، وَيُنَادِي مُنَادٍ يَا بَاغِيَ الْخَيْرِ! أَقْبِلْ وَيَا بَاغِيَ الشَّرِّ! أَقْصِرْ، وَلِلَّهِ عُتَقَاءُ مِنْ النَّارِ، وَذَلكَ كُلُّ لَيْلَةٍ‘‘۔ 

جب ماہ رمضان کی پہلی رات آتی ہے، تو شیطان اور سرکش جن جکڑ دیئے جاتے ہیں، جہنم کے دروازے بند کر دیئے جاتے ہیں، ان میں سے کوئی بھی دروازہ کھولا نہیں جاتا۔

 اور جنت کے دروازے کھول دیئے جاتے ہیں، ان میں سے کوئی بھی دروازہ بند نہیں کیا جاتا.

اور ایک پکارنے والا پکار لگاتا ہے کہ: ’’اے خیر کے طلب گار! آگے بڑھ، اوراے شر کے طلب گار! رُک جا‘‘.

اور اللہ تعالیٰ جہنم کی آگ سے کئی لوگوں کو آزاد کرتا ہے، اور ایسا (رمضان کی) ہر رات کو ہوتا ہے۔

[سنن الترمذی: ٦۸۲، سنن ابن ماجہ: ۱٦٤۲، وصححہ الألبانی]

                        

                              •┈┈┈••⊰✵⊱••┈┈┈•